دي أهم نصيحة وانا عارف ان الكلام اللي كتبته كتير بس مهم جدا تقراه وهتستفيد منه صدقني.

بعد تخلص اي كورس بالكامل تروح على تحديات الكورس وتخلصها كلها وكمان تطبق على كل اللي اتعلمته في مشاريع حقيقية حتى لو كانت بسيطة زي مثلا تروح لأي برنامج ذكاء إصطناعي وتقول له: ( اديني فكرة لمشروع اعمله واتمرن فيه كمتعلم في الكورس دا بحيث يشمل كل اللغة. ) حتى لو كان المشروع اللي بيديه لك حاجة بسيطة ما تستهرش فيها وخلصها كلها وسلمها له وخليه يقيم شغلك ويديك حل وطريقة لحل المشكلات اللي بتواجهها في شغلك. وممكن تطلب منه يديك مشاريع متقدمة كل ما اتقنت اللغة واعتدت عليها. وبالطريقة دي انت بتحترف اللغة بشكل كامل وتكون لك اسهل شي في البرمجة وفي شغلك ان شاء الله. والكلام دا كله حاول طبقه في كل لغة برمجة او في اي شي هتدرسه في البرمجة بشكل عام.