أهم نصيحة في البرمجة لو كنت لسه بادئ (كنت هتفرق معايا جدا)

أنا لسه في بداية طريقي في البرمجة، وكنت فاكر ان الموضوع كله اني اتفرج على كورسات كتير واخلصها وخلاص، بس اكتشفت ان دي أكبر غلطة.اللي فرق معايا بجد هو 3 حاجات:1- ما تتفرجش كتير من غير تطبيق: لو اتفرجت على درس 10 دقايق، اقفل الفيديو وطبقه بايدك انت حتى لو غلطت 10 مرات. ايدك هي اللي بتتعلم مش عينك.2- اعمل مشاريع صغيرة من أول أسبوع: حتى لو صفحة فيها عنوان وفقرة زي ما بنعمل في HTML، اعملها بنفسك من غير ما تبص. المشروع الصغير هيعلمك أكتر من 10 ساعات فيديو.3- الغلط هو صديقك: كل مرة الكود يضرب منك دي أحسن مرة بتتعلم فيها. ما تمسحش كل حاجة وتعيد من الأول، دور على الغلط وشوفه فين، دي هي البرمجة أصلا.نصيحتي ليك لو لسه بادئ زيي: ما تستعجلش تبقى محترف في شهر، خليك ماشي كل يوم ساعة واحدة بس، بس كل يوم. الاستمرارية هي اللي بتكسب مش الحماس في الأول وبعدين توقف.لو حد عنده نصيحة تانية فرقت معاه وهو لسه مبتدئ ياريت يشاركها، عشان كلنا بنتعلم من بعض.